عارفين الشريط اللي الناس تبعت فيه رسايل وتظهر علي التلفزيون ده
اللي بيجي علي مولتي ده .. ااااااايوه الله ينور عليكو هو ده
أنا قريت شوية جُمل يا جماعة بجد تنحت قدامها
و بين كل جملة وجملة كان هيجيلى شلل
إلـيـكـم الـشـلـل الـتـالـى
1- ممكن حب اسكندرانى
( آيوووووووووووه و ماله طبعا زى ما انتوا عارفين فيه حب اسكندرانى وحب
قاهرى
و فيه فلاحى وفيه صعيدى و اذا مشينا علي الحدود شوية
هنلاقى فيه حب فلستيني ولبنانى وحب امريكانى وصينى ويابانى وهكذا
ومقولكوش بقى على الحب المريخى وبرضه فيه حب بالفراخ وحب بالكباب
وفيه بالشطة واللمون ويا سلام بقى علي الحب بالجبنة
فظييييييييع خصوصا لما بيتقطع عليه طماطم بيبقى مسخرة )
2- أنا 75 سنة ممكن أتعرف على ليدى مناسبة
( خمسة وسبعين سنة يخرب بيتك وقادر تمسك الموبايل وتبعت مسج ؟؟ 13.gif
ما شاء الله لسه فى عز شبابه برضه .. آه وماله ممكن تتعرف على كركوبة زيك
يا عم الرومانسى )
3- ممكن واحدة جميلة للصداقة و الحب و ياريت برضه للسفر
( آه ممكن طبعا ويا ترى حضرتك عايزها كام سلندر ؟ )
4- أنا شاب متدين ممكن ليدى عندها شقة
( آه وماله وفيه برضه شقة وعليها ليدى مجانا .. و ياترى ايه مواصفات الشقة
اللى عايزها ؟؟ )
5- أنا دلوعة و شبه نانسى عجرم ممكن أتعرف
( آه ونص وياترى واخدة من نانسى عجرم قفاها ولا كعب رجليها ؟
اتدلعى يا اوختى وماله )
6- أنا في اعدادى ممكن أتعرف على بنت حلوة
( هي جات عليك ؟؟ وياترى عايزها في سنة كام يا حبيبى ابتدائى ولا حضانة ؟
أنا بالشكل ده هيجيلى السكر )
7- فلانة : أنا نكدية موت ممكن أتعرف على نكدى و ننكد على بعض
فلان : أنا نكدى مووووت وقعتك سودة ونهارك مش باينله لون
( كان نفسى أمسكهم هما الاتنين وانكد عليهم واضربهم بالدزمة الدزم دول )
8- معاكى فلان ممكن أعرف اسمك سنك طلباتك
( آه وماله أنا فلانة يا ابنى ... واطلبلى واحد كباب واتنين بانيه احم احم
.. وياريت لو معاهم جوز حمام )
9- أنا عايز بنت للارتباط سمرا أو بيضا أو قمحى ما تفرقش
( حمرا ؟ تاخدها حمرا ؟ طب ايه رأيك في البنفسجى ؟ جديد و منزلش السوق )
10 - ممكن واحدة جميلة استايل عشان أحبها
( آه وماله أنا برضه عايزة بطارية للموبايل بتاعى عشان أنا قربت أهنج 1)
11- أنا سى السيد بدور على أمينة تسمع الكلام و تقول حاضر
( آه و ماله حاضر يا اخويا بقى حضرتك عايز أمينة ؟؟ )
12- أنا قلبى فاضى .... حد عايزنى أحبه ؟
( أنا مُت خلاص )
